( ĉu plaĉas al vi rigardi ĉiujn fotojn? )

Originale sendita je verdeskribitaj sensencaĵoj.Vi povas komenti ĉi tie aŭ tie.

antaŭajn kelkajn tagojn mi tute hazarde tralegis la paĝaron de la Japana Esperanto-Instituto kaj ekrimarkis, ke (mirinde) okazos baldaŭ esperanta kongreso en mia urbETo Kooĉi’. mi pensas, ke tio estas tute nekredebla kaj ankaŭ mirinda…. neniam mi havis ŝancon por paroli esperante for de komputiloj kaj subite mi finfine havas ŝancon…!

sed pro mia sinĝeneco, manko de kapableco rilate al esperanton ktp, mi hezitis peti retpoŝte pri partopreni… finfine mi kuraĝiĝis kaj petis, nun mi partoprenos la kongreson….. mian unuan eventon esperantan.

nun mi timas pli ol mi ekscitiĝas pri la evento. :’( la kongreso okazos je la 21a ~ 22a ĉi-monate…. mi havas nur ĉir. 2 semajnojn por plibonigi mian kapablecon rilate al aŭskulti kaj elparoli esperanton…. mi sentas min kondamnita al embaraso. :/ mia sinĝeneco kondamnas/os min al embaraso kaj malsukceso esperante….

…sed mi kiel eble plej bone igos mian esperanton antaŭ la kongreso. :(

parenteze, mi trovis esperantan klavaron por Vindozo, kiun mi sukcese instalis uzante la japanan Vindozo 7-on. bedaŭrinde, la instrukcia PDF-dosiero por instali la klavaron estas nur angle, do ĉi-sube mi skribos bazan klarigon esperante:

1. klaki [ ĉi tiun ligilon ].
2. por elŝuti la dosieron, klaki la ligilon “esperanto.zip”, kiu estas supre de la lasta klavara bildo.
3. malfermi la ZIP-dosieron kaj eltiri ties dosierojn ien.
4. klaki la eltiritan dosieron “setup.exe” kaj post iam mesaĝo aperos. kiam mesaĝo aperas, la instalo finis.
5. ie sur via ekrano, aperos (kutime malgranda) lingvoilo (”Microsoft IME”). klaki la lingvoilon kaj elekti “Angla (Kariba)” por uzi la esperantan klavaron.
6. por denove uzi la defaŭltan klavaron, denove klaki la lingvoilon kaj elekti la defaŭltan lingvon.

per afiŝojn je la ttt-ejo Twitter, mi eksciis, ke ankaŭ ekzistas esperantajn klavarojn por Makintoŝo. dankinde instrukcioj por tiuj klavaroj jam estas esperantaj.

Originale sendita je verdeskribitaj sensencaĵoj.Vi povas komenti ĉi tie aŭ tie.

ŝajnas, ke tiu demando ne estas nova (unuafoje demandita) demando inter esperantistoj… kiam mi priserĉis ĝin, pri kiel “dreadlocks” nomiĝas esperante, mi trovis kelkajn proponojn, sed mi ne tute kongruas kun ili… ĉi tiu diskuto estas la plej interesa, kiun mi trovis: http://groups.yahoo.com/group/esperanto-l/message/46676

nek “felthararo/feltharoj” nek “rastahararo/rastaharoj” ktp plaĉas al mi, sed nuntempe mi ne skribos la kialojn pro lacego. “dredloko(j)” ŝajnas bone al mi, sed mi komprenas, ke tia vorto ne plaĉos/as al ĉiuj. ĝi devenas la anglan kaj do ne estus “vera” esperanto, sed eĉ kelkaj alilingvoj uzas la anglan “dreadlocks” aŭ simila, ĉu ne…?

bone, eble mi kreos mian propran vorton por ili. kompreneble, ĝi devos esti facile komprendita de ĉiuj KAJ taŭga. tio malfacilas.

Originale sendita je verdeskribitaj sensencaĵoj.Vi povas komenti ĉi tie aŭ tie.

la pasintan semajnfinon mi veturis al Tokjo por ĉeesti muzikfesto. :) ĝi nomiĝis “V-Rock Festival ‘09″ kaj ĝi temis pri ĝenro de japana rok-muziko, kio nomiĝas “viĝuaru-kej” (= “vida stilo”). pli ol 50 bandoj/muzikistoj ludis/kantis dum 2 tagoj de festado– ĝi estis mirindega!! :D estis mia unua fojo ĉeesti tian grandegan eventon kaj estis nur mia dua fojo veturi al Tokjo (la unua fojo ankaŭ estis por ĉeesti muzikan eventon *ridas*). ĝi vere estis bonega… kiel vidi multajn koncertojn, unu tuj post alia tuj post alia… mi povis aŭskulti kaj vidi multajn bandojn/muzikistojn, kiujn mi ne antaŭe aŭskultis/konis.

ĝi memorigis min denove pri mia deziro mi mem ludi instrumenton… *suspiro* sed mi havas nek la scion nek la kapablecon por ekludi instrumenton. :( se mi povus ludi instrumenton, mi ludus sintezilon. mi tre envias iun, kiu povas ludi ĝin… :’( se mi povus ludi sintezilon, mi kreus muzikon kaj angle kaj esperante! :D ….sed nur se mi ankaŭ povus trovi kantiston, ĉar mi tute ne eblas kanti. (^^;)

Originale sendita je verdeskribitaj sensencaĵoj.Vi povas komenti ĉi tie aŭ tie.

ĉi-sube estas hazarda skribo pri aferoj rilate al la angla lingvo:

mia koramiko (kiu loĝas aŭstralie kaj baldaŭ venos al japanio, jaj! *dancas feliĉe*) kaj mi ofte ŝercas kune pri la malsamoj de nia angla lingvo. foje li uzas vorton/esprimojn, kion mi kutime ne uzas kaj inverse, foje mi uzas vorton/esprimojn, kion li kutime ne uzas. eĉ estis unu fojo, kiam li uzis vorton, kion mi neniam antaŭe aŭdis kaj tute ne komprenis! malgraŭ la fakto, ke ni ja parolas la saman lingvon kaj do ja povas komuniki al unu la alian, ankoraŭ estas amuzoj kaj “aventuroj” rilate al komunikado.

mi feliĉegas pri tio. :) eĉ kiam ni ne akordas pri kiel oni diru ion ktp.

alia afero, kiu rilatas al ĉi tio estas angla lingva edukado en japanio , do mi (ete) priskribos tion.

Legu la ceteron de ĉi tiu afiŝo »

Originale sendita je verdeskribitaj sensencaĵoj.Vi povas komenti ĉi tie aŭ tie.

vere, ili ne plaĉas al mi… dimanĉo signifas la komencon de nova semajno kaj nova semajno = 5 tagoj da laboro denove. mi malŝategas labori. kompreneble, ĉiu malŝatas labori almenaŭ iomete (ĉu ne?), mi nur volis plendaĉi… denove… kiel mi kutime faras. morgaŭ mi instruos 5lernjarajn studantojn ĉe bazlernejo pri “sportoj en la angla”… mi jam instruis la saman lecionon centfoje al aliaj studantoj… *suspiro*

iel, nun mi plorplendaĉos pri io alia.

mi (aĉe) lernis kaj uzis esperanton tute ne daŭre dum la pasintaj 6 jaroj kaj dum tiom da tempo neniam mi voĉparolis esperanton. mi tute kaj komplete ne povas ĝuste elparoli esperanton, kaj efektive tute kaj komplete ne povas paroli esperanton. nur mi povas skribi ĝin.

ĉiam mi estas konscia pri ĉi tiu fakto, sed mi forte sentis mian mankon de kapableco esperanta la pasintan nokton, kiam mi unufoje ludis la ludon “Dua Vivo” kaj renkontis esperantistojn, kiuj bonege voĉbabilis kune. aliflanke, mi, kiu ankaŭ mankas kapablecon rilate al aŭskultado, eĉ ne povis kompreni la tutan konversacion. mi sentis min kiel komencanto denove… :(

…sed mi havas kialon por kial mi neniam voĉbabilis esperante antaŭe! jes, mi havas kialon… aŭ ĉu pli bonus diri “ekskuzo”? ne… estas kialo. la kialo estas, ke vere ne plaĉas al mi voĉbabili, ne gravas en kiu lingvo. mi supozas, ke oni povus nomiĝi min “sinĝena”…………. feliĉe, mi povas multe ekzerci mian japanan lingvon ĉiutage ekster la reto, sed esperanton…. mi devas venki mian sinĝenon.

se tio eĉ eblas.[/plorplendaĉo]

Originale sendita je verdeskribitaj sensencaĵoj.Vi povas komenti ĉi tie aŭ tie.

la pasintan vendredon, interesa afero okazis ĉe la lernejo, kie mi instruas vendrede. unue, informeto pri la lernejo: ĝi nomiĝas Namegawa. ĝi estas tre malgranda lernejo en la montoj nordaj de Kochi. vere, unu bildo enhavas du lernejojn: bazlernejo Namegawa kaj mezlernejo Namegawa. la tuta bazlernejo nur havas 21 studantojn kaj la tuta mezlernejo nur havas 23 studantojn. ĉi tiu lernejo estas unu el la plej malgrandaj lernejoj, kie mi instruas.

iel, la pasintan vendredon ambaŭ la lernejoj kune iris tre foooor en la montojn (eĉ pli for ol la lernejo ĝi mem jam estas *ridas*) al rizejo por rikolti rizo(j)n. :3 mi ne asistis, mi nur rigardis kaj fotis kaj babilis kun studantoj… ^^;; bedaŭrinde, mi ne kunhavis taŭgan fotilon, mi nur havis mian poŝfonon… sed jen, kelkajn fotojn:

(klaku la foton)

ankaŭ, kelkajn monatojn antaŭe, estis alia okazo interesa ĉe Namegawa. ambaŭ la lernejoj kune plantis zingibrojn kaj alian planton. je tiu tago, mi kunportis mian fotilon lerneje ĉar mi faris tian afiŝon, kio nomiĝas angle “ADIML (A Day In My Life/Tago En Mia Vivo)”… ADIML = oni fotas sian tutan tagon kaj poste afiŝas la fotojn en sia blogo. alivorte, se oni faras ADIML, oni fotas ion kaj ĉion ekde vekado ĝis enlitiĝado. ekzistas regulojn/etiketo por ADIML, se mi ne priskribos tiojn… ^^;; iel, se vi deziras rigardi la fortojn, kiujn mi fotis je tiu tago (fotojn de Namegawa ktp), klaku la suban ligilon. bedaŭrinde, la priskriboj en la afiŝo nur estas angle.

http://nighstar.livejournal.com/505341.html

Originale sendita je verdeskribitaj sensencaĵoj.Vi povas komenti ĉi tie aŭ tie.

lastatempe mi okupiĝis pro katido, kiun mi trovis kaj alportis hejmen, sed antaŭ mi povas priskribi tion, mi devas priskribi mian situacion.

antaŭ mi venis japanie, mi havis du katojn, por kiuj mi devis trovi novajn hejmojn. laŭ japaniaj leĝoj, ne eblas mi kunporti aŭ importi katojn el usono en japanion. ekde mi venis al japanio, mi tutkore sentis la mankon de miaj katoj kaj denove deziris havi katon. nur unu afero ĉesigas min: la havado de katoj aŭ hundoj estas malpermesita en mia apartamento kaj la mastrino de la apartamento loĝas en la apuda bildo. mi jam priserĉis la aferon de la kunportado/eksportado de katoj el japanio kaj komprenas, ke mi ja eblas fari tion, do jes… nur estas unu kialo por ne havi katon.

krome, japanio havas gravan problemon de senhejmaj katoj. ĈIUTAGE mi rigardas senhejmajn katojn strate. foje ili ŝajne bonsanas sed pli ofte ili videble suferas. foje eĉ mi rigardas katojn, kiuj estas mortaj; ili estis transveturitaj aŭ mortis pro ia malsano. kiel amanto de katoj, rigardi ĉi tiujn aferojn ĉiutage dolorigas ege min… multe pli ofte ol unufoje mi volis helpi katon per kunporti ĝin hejmen, sed mi ne povis/ la pasintan mardon estis la unua fojo, ke tion mi faris.

Legu la ceteron de ĉi tiu afiŝo »

Originale sendita je verdeskribitaj sensencaĵoj.Vi povas komenti ĉi tie aŭ tie.

ĉi tio estas mia unua afiŝo, kiun mi skribas per Wordpress– jaajj~! la nova blogo preskaŭ pretas…

listo de farendaj aferoj:

• desegni kaj krei etosajn grafikaĵojn + efektivigi ilin
• individuigi Wordpress-on
• traduki esperanten la etoson ktp
• instali kromprogrametojn ktp
• skribi/krei iom da enhavo
• importi afiŝojn el Livejournal
• krei memorebla subretregiono

la forstrekitaj aferoj estas pli malpli finitaj….

Originale sendita je verdeskribitaj sensencaĵoj.Vi povas komenti ĉi tie aŭ tie.